Waf di Barcadera – ASTEC y Douane ta extende oranan di servicio na Main Gate

ASTEC ta anuncio cu desde dialuna dia 3 di Mei 2021, e orario di servicio na Main Gate na waf di Barcadera lo cambio y adapta di 7:30 am – 4:30 pm non stop di Dialuna pa Diabierna.

Sr. Mike de l’Isle, Gerente / CEO di ASTEC N.V. ta comenta: “e expansion di nos orarionan di servicio na Main Gate di nos Waf na Barcadera ta debi na e necesidadnan di nos clientenan pa mas flexibilidad pa atende cu asuntonan di containers.

Nos ta masha contento cu e cooperacion di Douane y tur empleado envolvi pa duna e servicio durante e orarionan extendi pa atende cu containers na Main Gate y nos ta mira padilanti pa un transicion exitoso cu tur partido envolvi”.

Sr. Roderick Croes, Director di Douane ta relata “den e cuadro di fasilita commercio, Douane ta hasi uso di e oportunidad pa, conjuntamente cu ASTEC, hasi e cambio di orario di servicio posibel na Main Gate di Waf di Carga na Barcadera.

Cu e expancion di orarionan di servicio, e clientenan ta hanja mas espacio pa saca nan container cu carga y asina comunidad Aruba por tin productonan mas lihe na nan disposicion”.