Ivo Valdes, presidente di OPPA ta comparti nan disgusto di pensionadonan pa cambionan di AZV. E ta bisa cu for di 2001, AZV su meta tabata pa percura pa cuido medico, eficiente, efectivo y accesibel na tur asegarado.
E ta bisa cu prome cu esey, e pensionado tabata cay riba ziektekosten, y AZV a bin na luga a priminti nan derecho pero e añanan a pasa y nan e perde tur nan derechi y ta cualifica pensionado manera dunado di trabou.
Sr. Valdes ta bisa cu pensionado tin cu paga un 10.5% cu un entrada di 4864florin pa luna anto tin cu paga mas cu un minister mes ‘e diferencia ta grandi’ e ta bisa tur hende cu entrada halto ta paga mas ‘nos cu a traha henter nos bida, ta haya castigo’.
Pa 1 april a bin cu mas cambio ainda, cu tabata e lista di remedi cu ta wordo cubri y kico no ta wordo cubri, caminda botica ta cobra 16.10florin pa recept, e ta bisa co esey por si nos ta paga AZV pa asina AZV paga botica.
Tur e medidanan aki, e ta bisa cu ta cabando cu nan entrada y nan tin cu paga pa recept y mas cu remedi no ta cay riba e lista positivo, e ta bisa cu ta un gasto grandi pa nan pensionado.
Sr. Valdes ta bisa cu ta canando e caminda necesario, nan a papia cu prome minister, cu nan kier papia cu esnan cu ta duna cuido general di Aruba, e ta bisa cu AZV no por sinta mirando cu tin covid-19 y no por reuni.
Pa finalisa sr. Valdes a bisa cu den menos di dos luna tin pa bay eleccion, nan ta papiando cu tur nan miembro y tin reunion general cu nan pa asina conscientisa nan mes, mirando cu awo politiconan ta bay cuminsa haci bishita ‘nan mester tene na cuenta tur puntonan aki y inhusticia cu nos tin cu paga’.
Leave a Reply