Den un reciente entrevista cu directora di Santa Rosa, sra. Nathalie Maduro ta comparti riba e 170 peticion cu a drenta pa permiso pa piscado, di esaki 161 a keda procesa y entrega 112 carta oficial di minister.
E persona ta haya su carta, sticker riba e speargun. Tambe ta splica tur hende riba e proceso su tras. Mirando cu tin cu cumpli cu tur e leynan. Awo esaki por bay mas facil pa piscado cu tambe a perde trabou.
Sra. Maudro ta bisa cu e sector di pisca a desaroya y tin hende ta pisca den diferente forma pero mester ta responsabel. E peticion di persona tin cu bay BID, pa despues minister pa e bin Santa Rosa pa asina nan haci e screening.
Ora caba cu screening di documento, e persona ta bin na remarke pa haye, e ta bay BID pa bay minister pa asina keda firma pa Santa Rosa y minister despues e persona por pasa busca su documento/permiso.
Sra. Maduro tambe ta aclara riba e piscado cu a reclama cu supuestamente lo ta cobrando 300 florin pa permiso. “Esey no ta bera, no ta cobrando pa ningun permiso, nos no ta cobrando ni pa registra, tur persona por haci’e libremente.”
E ta splica cu ora e documento pasa pa minister, e no tin otro departamenrto extra cu e ta bay pa haci un cobransa. Sin embargo e por ta cu persona cu ta pidi fabor na otro ta cobra esaki pa su mes.
Ta importante pa verifica cu Santa Rosa pa asina nan por duna e informacion, y pa cada hende haci nan mesun buelta den papel, registra y e parti di stickers pa nan firma p’e. Pa tene tur cos na ordo, pa dia di mañan cu kustwach controla tur cos cana manera debe ser y cu no mester kira e permiso.
Ta encurasha den caso cu hende no tin email pa asina bin Santa Rosa bin personalmente cu tur informacion cu mester pa BID. “Cada persona ta responsabel pa locual nan registra, ta importante tene cuenta cune. Nos kier pa tur hende practica den forma responsabel y exito pa tur e piscadonan.”
Leave a Reply