Richard Jacobs di Ibero American High School ta comparti di e gran oportunidad pa studiante di nan scol pa sa con produccion y concurso pa ta traha un flyer. Pa e motivo ta bin cu projecto pa studiante bay den area laboral di un produccion y motivacion.
Pa tur esnan cu caba nan estudio den 4 aña, por ta activo den e mundo di media. E ta splica cu nan enseñanza den e mundo basico di media, manera television pero tambe computer science, editing, y tur locual ta encera multimedia.
Sr. Jacobs ta bisa cu e ta satisfecho cu tin studiante cu ta haciendo nan scol cu motivacion y ora bin cu projecto den compania di berdad e ta duna nan mas gana pa sigui y siña mas. “Nos ta contento cu nos cliente Osline Ismael cu a duna e confiansa y oportunidad pa dunan nan produccion cu nan a pidi p’e.”
Segun sr. Jacobs di e forma aki, e studiante por siña di un manera mas cerca con e mundo di labor ta traha, ki ta reglanan di media, e mundo di television y con pa traha mas corecto. E ta bisa cu e forma aki ta stimula y ta haya mas experiencia di e mundo di media y nan por tin un idea unda nan kier yega den futuro.
Comerciante Osline Ismael di Accion Battery Store ta bisa cu a haci entrega di premio di e concurso cu tabatin di e flyer. Nan a acerca pa haya un bateria nobo cu tecnologia Aleman, nan a combersa cu sr. Jacobs pa tene un competencia pa alumno por diseña un flyer.
E flyer cu nan a haya mas atractivo ta gana e competencia. Sr. Ismael ta bisa manera comerciante di hoben, esaki ta un forma pa motiva nan den e mundo aki. Nan ta bira mas creativo y grandi.
Pa finalisa el a bisa cu di e forma aki ta pa stimula e diseño tambe den e muchanan. “Nan a haci un tremendo trabou den mustra nan creatividad y haci uso di dje pa sigui crece den e mundo di media.”
Leave a Reply