Mientras cu miyones di mericano ta vacuna contra covid-19 tur dia, ta produciendo e debate di cu persona mester un prueba di inmunisacion den un forma di paspoort di vacuna.
Mescos cu un paspoort nacional, un paspoort di vacunacion por permiti e portador e entrada na un luga, manera un concierto yena cu hende of un pais sranhero cu lo exigi un prueba di vacunacion manera un visa y un paspoort nacional valido.
E carchi di vacunacion di CDC (Centro pa control y prevencion di malesa di Merca) no ta mescos cu un paspoort di un vacunacion. Aunke ta un registro unda cu e persona a ricibi nan vacuna, pero esaki por falsifica facilmente.
Un paspoort di vacuna ta un prueba di con un persona ta inmunisa contra covid-19. E por ta un forma di aplicacion na celular of un certificado por escrito pa esnan cu no tin telefon.
Algun expero di salud ta argumenta cu prueba di vacunacion por ta e ticket di regreso pa normalidad. Por recompensa pa persona pa vacuna pa participa den evento cu hopi hende y ofrece un trankilidad na otro persona cu tambe ta inmunisa.
New York ta e prome estado den emiti un paspoort di vacuna digital usando e aplicacion Excelsior Pass di IBM cu ta mustra codigo QR personalisa cu verifica e estado di vacuna.
Sinembargo criticonan ta señala preocupacion di privacidad y extralimitacion pa parti di autoridad. Gobernador di Florida y Texas a firma decreto cu ta prohibi e paspoort di vacuna.
Gobernador di Florida, Ron DeSantis a firma siman pasa un decreto cu ta prohibicion na cualkier entidad gubernamental emiti esaki y cualkier comapnia exigi esaki na nan cliente. El a bisa cu ta trece problema di privacidad y libertad personal.
E gobernador di Texas, Greg Abbott a firma un decreto cu ta prohibi agencia estatal exigi un vacuna pa cualkier servicio.
Leave a Reply