A detene dos sospechoso den corto tempo awe mainta na Tamarijn y Sero Lopez. Diahuebs despues di 10or di mainta a cuminsa un persecucion entre un nissan skyliner color blanco y polis.
Aparentemente polis a duna e auto un señal pa para y no a cumpli cu e orden di polis. Den e auto aki tabata tin dos conocido di polis. E persecucion a caba na altura di un cas na Tamarijn.
Na e sitio polis a detene e chauffeur di fam Q. E homber pasahero sinta na banda a logra huy y drenta mondi. Di biaha tur unidadnan di diferente districto a yega na e sitio pa asina cuminsa cu e busceda den mondi.
A lanta e helicopter di Polis y na unda a logra señala e sospechoso y polis a logra detene na altura di Sero Lopez. Tur dos sospechoso a ser hiba warda di polis na unda nan lo presenta dilanto sub fiscal.
E auto encuestion a wordo confisca pa mas investigacion. Tambe a confisca un otro auto pero no tin nada di haci cu e casa aki. E la wordo hiba balashi door cu e no ta tin su papelnan na ordo. Bon trabao di coleganan !!!!
Leave a Reply