Flexiblisacion anuncia pa e gabinete durante conferencia di prensa di coronavirus cu lo drenta na vigor awe; kico mag y kico no mag’. Kapsalon ta bolbe habri, manera pedicure, massage y propietario di autosecuela.
Varios profesion di contacto cu ta considera esencial manera fisioterapeutas y dentista por a traha cu afspraak durante algun tempo. Tin condicion asocia cu locual e pashent tin. Den algun situacion, cliente por usa mondmask.
Les di rijbewijs por sigui. E Centraal Bureau Rijvaardigheidsbewijzen (CBR) tambe lo bolbe realisa examen. Un exepcion importante ta e profesion di contacto pa e trahadornan sexual.
Compranan por keda haci online of busca bo pakete, pero for di awe mag di drenta fisicamente na un tienda. Compania grandi manera cadena di IKEA, no lo habri su porta pa publico.
Deporte interior ainda no mag, hoben y adulto te cu 26 aña di edad por haci nan deporte na aire liber. Sin embargo, e ta permiti paden di nan mesun club, gym tambe ta permanece cera. (training pa esnan mas grandi di 27 solamente sport pafo y maximo dos persona y mantene distancia)
Apart di e cambio, ta mantene hopi medida pa limita e number di infeccion. Ayera RIVM a informa cu e number di contagio ta aumenta di nobo y termino absoluto. E porcentahe di test positivo a baha.
E medida mas importante ta esun di toque de queda, el a keda extendi te cu 15 di maart. Pa 8 di maart, e gabinete interino lo anuncia con lo sigui cu toque de queda despues di 15 di maart.
Number di bishita na cas ta sigui un pa dia. E grupo maximo riba caminda por ta dos persona. E reglanan aki no ta aplicabel pa muchanan menor di 12 aña.
Reglas basico
Conseho di biahe tampoco lo cambia. Ta bisa pa biaha solamente si ta necesario. Solamente crusa frontera si tin circumstancia familiar grave of pa trabou cu no por keda posponi y ta rekeri presencia fisico. Obligacion di mondmask ta keda vigente na espacio publico interior, manera transport publico, tienda, museo, restaurant y teatro.
Leave a Reply