Lucile Randon, un zuster di misa catolico di 117 aña di edad, kende ta biba na Toulon, zuid di Francia a supera e covid-19 despues di cu na january el a keda positivo pa e virus. E religioso, considera e persona mas grandi di edad di Europa, a comenta cu durante su malesa e no tabatin miedo di muri.
Randon a keda positivo pero no a desaroya ningun sintoma, el a bisa medionan local cu e no a realisa cu e tabata tine. El a keda den isolacion na su cas di retiro na Toulon, Zuid Frrancia, pero awo e ta considera den recuperacion completa.
Randon, kende ta ciego y ta usa un rolstoel, ta buscando pa celebra su hacimento di aña riba diahuebs, e lo celebra e ocacion cu un grupo chikito di residente. “E tin suerte, e nunca a puntra pa su salud, pero pa su habitonan, manera ora di come of cualkier cambio di orario. E no a mustra ningun miedo pa e malesa, pero e tabata preocupa pa otro residente”, David Tavella, vocero di Sainte Catherine Labouré e cas di retiro.
El a nace dia 11 february 1904, e ta Europa su persona mas grandi di edad, tambe e di dos na mundo di edad avansa, segun e lista Gerontology Research Group’s (GRG) World Supercentenarian Rankings. Ora nan a puntre si e tabatin miedo di covid-19 el a bisa; “No, mi no tin miedo, mi no tin miedo di muri. Mi ta contento pa ta akinan cubo, pero mi kier ta otro caminda, pa ta cu mi ruman homber, mi welo y wela.”
Leave a Reply