Kinsasha Thielman-Van Der Bliek di grupo di piscado conhuntamente cu Aby Kock ta elabora riba e controlnan cu ta tumando luga riba e personanan cu ta practica e spearfishing ta pa mantene nan mes na regla cu ta stipula.
E ta bisa cu no ta tolera cu tin di esnan cu no ta cumpli cu regla, despues di un gran esfuerso cu a lucha p’e pa añanan largo y a logra pa por tin regulacion pa por practica e tiramento di pisca. Un parti importante ta e arma cu mester ta registra.
“Ban mantene na e reglanan pa e lucha cu nos a logra, no por laga algun cu no ta cumpli pa perhudica esnan cu di berdad ta cumpli, e gran mayoria cu ta trahando pa famia y ta consciente”, e ta bisa.
Un otro punto cu ta menciona ta esnan cu tin e harpoen pa registra esaki y no fia na otro hende pa motibo cu por confisca y ta perde e harpoen. Ta manera cu ta keda hala atencion mirando cu locual ta haciendo no ta corecto.
“Nos ta compronde cu hopi biaha locual tin riba papel no ta funciona den practica, tambe ta pidi pa esnan controla tin consideracion pa esnan piscado cu nan tambe a trece dilanti ideanan y solucion practico riba e tema aki”, Aby Kock ta expresa.
Pa motibo cu den regla di area, tin luga cu mag drenta pero no por sali na e mesun luga, (of si e persona tin un boto cu si por drenta den e area desgina) pero ora un piscado drenta ta pa motibo cu e ta wak e scapatoria, kizas esey ta oportunidad pa yega mas lihe y coriente no hiba e persona.
Anto di e momento ey kustwacht mira e persona, nan ta kita e arma ‘pero un maneho no tur ora ta cuadra cu realidad cu ta biba den awa’. E ta bisa cu nan ta compronde ta ley pero mester tin logica den e practica.
Ta pidi pa respeta e reglanan y registra cada ekipo di e mesun persona cu ta haci uso. Nan no kier pa un perhidica pa e otro. Sinembargo nan lo kier tin reunion cu Guarda costa, Santa Rosa y piscado pa por haci cosnan manera cu ta.
Leave a Reply