Den e ultimo tempo por mira varios condicion di slaud mental ta keda bin dilanti. Manera ansiedad, depression, un trauma ta bin halto cu ta keda trigger pa cualkier situacion cu presenta.
Di parti Social Psychiatrische Dienst, te ainda e ta controlabel, despues di covid-19 a ripara mas caso a bin dilanti cu ansiedad y depresion cu ta casonan cu mester duna atencion di biaha.
Nan ta keda tira un bista riba nan, sinembargo no ta caso erg cu nan mester keda interna, pero cu tratamento y contacto por duna stabilidad pa deal cu e condicion cu tin na e momento ey. Cerca nan, e pashent ta haya e yudansa psikiatrico, nan ta bay cas of pashent ta haya tratamento of remedi.
E diferencia entre SPD y Respaldo, Respaldo ta cu nan tin un servicio mas amplio, nan tin pashent di PAAZ cronico, opname. Nan SPD ta yega ta na cierto punto pa trata e persona den su mesun omgeving.
SPD ta haciendo nan maximo esfuerso pa meld na dokter y famia cu ta pidi ayudo. Nan ta atende cu crisis 24/7. Ora cu amplia servicio pa e FactTeam tabata pa yuda esnan di 0 te cu 24 aña di edad.
SPD ta bisa cu for di 2019, di september te cu december tabatin 33 caso. Pa 2020, nan a haya 296 y te cu maart 2021, nan a haya 401 caso di hoben cu a yega cerca di nan pa motibo di abuso cu a tuma luga den comportacion di famia.
Sinembargo nan ta bisa cu tur caso ta diferente, pero ta traha cu tur e otro diferente instancia cu ta trata cu situacion similar pa duna atencion na problema y yega rond pa por bin cu un solucion di e comportacion.
Leave a Reply