Comemento saludabel y hacienda ehercisio regularmente ta e manera pa controla peso manera mester ta asina Arends -Croes ta splica. “Nos tin cierto programanan anto nos ta midi scol basico, nan peso, BMi, nan haltura y di ey nos ta haya sa si nan ta overweight, obeso of onderweight tambe.”
Na e parti di 18+ tin departamento di deporte y departamento di salud. Deporte ta handle cu tur e cosnan deportivo, sport pa ta activo. Nan ta haci e parti campamento pa asina por pisanan y di esey ta saca conclusion si e persina ta normal, obeso of ondergewight.
Ta importante pa persona incorpora mas na ehercicio den nan bida rutinario por ehempel:
Cana na luga di uza auto pa un distancia cortico, rek y relaha musculo ora di haci trabou diario, para e auto un poco leu y cana e resto. Uza trapi y evita lift. Otro actividad cu por yuda ta manera baila, chapi cura, bay cana den naturalesa of bay landa.
El ta informa cu por lo menos 5 bes pa siman pa 30 minuut cada bes. Participa den algun deporte organisa of recreativo pa futbol, beisbol, tennis, cyclismo of gymnastiek/ aerobics pero keda activo.
Comemento no saludabel ta gelink na factornan di riesgo pa locual ta desaroyo di condicion di salud cronico manera problema di curason, presion cu coleserol halto, diabetes tipo 2 y algun tipo di cancer overweight of obeso.
Arends- Croes ta bisa cu cada persona nan mesun curpa ta detox nan mes. E ta remarca cu ora un persona cuminsa come mas saludable y ta cuminsa stop cu e cuminda manera ‘junk’ of no saludable, e malo ta cuminsa sali di e e sistema di e persona asta cambia e smaak di e cuminsa.
Si un persona cambia su cuminda rapidamente pa fruta, e curpa mes lo pidi pa sucu. E sucu di refresco of poducto cu e persona tabata come/ bebe constantemente. E curpa lo costuma cu tempo.
E ta agrega cu e proceso ta bin si e persona mes dicidi di haci e cambio pa un bida mas saludabel. E detox e curpa mes ta haci’e.
El a bisa cu tin hende cu kier baha peso de inmediato pa asina cuminsa wak e resultado di nan curpa. E sistema digestivo di cada ser humano tin bacteria cu ta necesario den curpa pa momento cu ta bay digeri.
Arends- Croes ta bisa cu si no tine mas e ora e persona tin cu uza probiotico, tambe por trece problema cu bo sistema paden sea bo organonan. Tin cu para completamente cu laxante. Tin cosnan natural manera chia seed (cu vet saludabel) come mas fibra pa bay af y ta bay bon den sistema digestive.
Algun tips cu Arends- Croes ta duna pa por baha di peso ta pa persona come tres biaha pa dia un cuminda. Desayuno, cuminda di merdia pa e ta cayente y atardi. Den e cuminda di merdia e ta bisa pa come mayoria berdura. Tambe e ta bisa pa come por lo menos 1 pida fruta pa haya vitamin y bebe mas o menos 4 glas di awa ‘minimalisa uzo di vet’.
Leave a Reply