DIMP cu cambionan pa duna servicio na cliente

Recientemente a tene un entrevista cu PR di Departamento di Impuesto, sra. Meverly Romano kende ta duna di conoce cu desde cu a haya e noticia cu coronavirus a declara un pandemia, pa DIMP mester a tuma accion rapidamente pa e fluho grandi di cliente.

“Nos ta un di departamento di gobierno cu tin un fluho grandi di cliente. Pa e motibo aki mester a tuma accion pa purba proteha no solamente e cliente pero tambe nos empleadonan y mester a bin cu regla”, e ta bisa.

Cu cambionan drastico cu antes tabata atende un 200 cliente den nan edificio, awo ta yena cu 22 cliente. Cu cada departamento nan a pone glas pa proteha e empleado y cliente.

Den cada spreekkamer lo bin cu glas, pa atende e publico caba tabatin glas ‘prome cu covid’ pero ainda ta diferente cu persona cu kier tin contacto of kier haci cita personal pa asunto di belasting pero esey ainda no ta posibel.

Pronto DIMP lo haci anuncio cu nan lo cuminsa duna servicio personal y lo bay strictamente via afspraak. Pa cualkier otro servicio pa habri posibilidad pero evitando aglomeracion den sala.

Durante henter e pandemia, nan a yega pa introduci y implementa nan sistema online ‘nos no ta bay bek na sistema bieu’ pa duna servicio tur cos lo bay via online, pa haci afspraak y e ta funciona y ta yudando bon, caminda publico en general a custuma cu e sistema aki y lo keda mantene den futuro.

Tambe a tuma nota di e parti di cantidad di stoel, cu antes hende tabata sinta pega di otro, awo nan tin sticker di distancia pa indica y si hende ta ignora esey, tambe a los mas asienta for di otro pa asina keda cumpli cu regla y evita mas contagio posibel.

Pa locual ta trata cash, sra. Romano ta bisa cu mayoria di nan cliente ta paga cu debit card, sinembargo ta haci exepcion cu 60+, persona pensiona y esnan cu ta abou di bijstand cu mester paga. Tur otro persona mester paga cu debit card.

“Ainda nos no a habri e servicio pa atende publico personal, esey ta den preparacion ainda y algun camber interno cu mester keda cla cu setup. Ora cu yega asina leu nos lo anuncia esaki”, e ta bisa.