E ministerio publico di Honduras ta acusa cuatro hende homber pa ta involucra cu asesinato di lider indigena y ambientalista Felix Vasquez Lopez di 60 aña di edad.
Acusadonan a keda identifica Josué Exequiel Martínez Martínez, Siriaco Mejía Santos, Francisco López Lazo y Mario Aníbal López Velásquez, pa delito di asesinato y ladronicia cu violencia of intimidacion, contra e ambientalista kende a muri 26 di december na su cas Santiago di Puringla na centro di e pais.
“Nan a drenta e propiedad di e victima cu paña di militar, cu arma di candela y arma blanco”, fiscal a bisa. Segun e comunicado, e activista a purba di defende su mes cu agresornan y a logra wak un di cara di un di nan, cual a pone cu nan a tire na su cara y el a perde su bida.
Tres di esnan involucra ta den prison. CNN no por a confirma si e hende homber tin representacion legal. Lider indigena, kende tambe tabata precandidato pa diputado pa partido Libertad y Refundacion (LIBRE) a denuncia cu na october 2020 el a ricibi menasa di morto.
Esaki a bin den un comunicado di Oficina di Honduras di Alto Comisionado di Nacionnan Uni pa Derechonan Humano, publicando e morto di Felix Vasquez. Segun organisacion no gubernamental Global Witness, Honduras ta e pais mas peligroso pa activista ambiental.
Un di e casonan mas alarmante di activista ambiental tabata e defensora indigena Berta Caceres, kende a keda asesina cinco aña atras for di su vivienda.
Leave a Reply