Enseñansa Pa Empleo: Tin interes pa sigui siña y crece

Francis Trimon di Enseñansa Pa Empleo, ta menciona cu interes pa hende sigui siña y crece den conocemento. Den ultimo 20 aña a ripara esey, lesnan ta yen y caba yen. Tin un wachtlijst asina largo cu hende cu kier educa nan mes.

Nan ta wak nan mes den un situacion incomodo pa motibo di politica of prioridad robes. Cosnan bayendo bon, tin vision pa mas idea pa cumpra mas ekipo pa por bin cu solucion den pueblo y sigui duna frutonan.

E pensamento ta pa no cambia e formula si e tabata duna resultado positivo so. E ta sinti un orguyo grandi ora cu e mira of topa hopi ex alumno di un di e cursonan trahando den hotel of restaurantnan, despues di a haya su diploma of certificado.

Nan ex alumnonan ta den tur area di hotel y no solamente den turismo, pero hasta den administracion. P’esey e no ta di acuerdo cu un cambio abrupto, pero wak kico y con mester adapta.

Por a compronde cu ya a tuma e decision pa bay bek na e sistema di antes y cu na september awo lo tin mas desaroyo. Nan lo wak e maneho di e proximo minister di enseñansa.