Margarita Wever di Museo Arkeologico Nacional Aruba ta informa cu a bin cu exposicion di lasonan Caribeño pa San Nicolas pa asina brinda e comunidad pariba un exposicion na biblioteca pa tur hende por aprecia esaki.
Wever ta comparti cu esaki ta specialmente pa esnan cu ta interesa pa sa mas di e lasonan caribeño, un projecto pa scol of cualkier grupo cu kier ta informa. Por pasa bishita y haya guia. Nan kier evita gruponan grandi y ta prefera pa tur cos bay via afspraak, sea ta un scol of un klas. Por yama na 5828979 pa un afspraak.
E exposicion aki lo keda tres luna na San Nicolas. Pa cada hoben of mucha cu kier mas informacion pa traha un projecto por haci esaki. E ta bay mas di indigena den Caribe, nan punto di bista di nos indjan na nos isla cu biba den diferente islanan den caribe, cu similaridad cu nos tin akinan.
Segun Wever, esey ta un herencia cu nos ta comparti y tin otro similaridad cu otro indjan den caribe, esaki ta punto di higlights den exposicion. “E ta algo bunita pa wak cu tur tin nan mesun funcion. Cu un informacion valioso.”
E exposicion ta na Biblioteca di San Nicolas, por pasa bishita of haci un afspraak. Di dialuna pa diabierna for di 8’or di mainta te cu 5’or di atardi, diamars 7’or di anochi. Pa grupo si ta pidi pa tuma contacto na 5828979.
Leave a Reply