Den un reciente entrevista cu psicologo Ricardo Leal a splica tocante e consencuencianan cu por tin si un pareha divorcia of separa anto e consecuencianan cu esaki ta trece cu ne pa e muchanan.
Importante ta pa no kibra e relacion cu tin cu entre mayornan y yiunan a apesar di circumstancianan. Tin occasion cu ambos mayornan mester pone disciplina pa nan yiunan. No pone e culpa riba un di mayor pa asina e otro mustra cu ‘ta e bon mayor cu no ta zundra’.
Sinembargo e splica cu e condicion cu e muchanan ta biba ta wake mayornan divorcia tambe cu mayornan cu ta eynan constantemente. Den e separacion e mucha semper lo tume manera un abandon ‘ba lagami’.
E mucha semper lo pensa cu esun cu a bay ta paso esun cu a keda a core. Un di dos ta culpabel e mucha tin den cabes ‘esun cu a keda ta culpabel’. Den e sentiment di tristesa pa abandon of rabia ta trece consecuencianan. Pero no den tur caso.
Tin cantidad di hende cu a yega cu muchanan cu ta mala mucha y ta paso diferente situacion na cas anto e mucha ta haya e gana di haci locual e kier. E mayornan no ta pone limite na locual e mucha mag di haci of no ‘e limite mester keda’.
Aunke e ta bisa cu e separacion ta considera tambe manera un perdida, pero no ta comparable ora ta uno total. E ta splica cu e proceso ta den e caso di dolor. “No ta e hecho so simplemente papi no ta biba na cas pero no a perde nada. No mester wake manera un perdida.”
Den parti di divorcio e mucha ta cuminsa sinti rebelde, e abandono, den algun caso e ta cuminsa bay malo na scol ‘cosnan ta pasa pero no ta cu tur mucha’. Algun mucha ta cuminsa paso e no por enfoca paso e ta enfoca riba e dolor. Anto eta enfoca riba e dolor paso segun e mucha el a perde mi tata.
Ta importante pa hende sa cu no tur ora tur cos por warda trata mescos. “E prome ta edad, e di dos ta e structuctra personal di e mucha y e di tres ta con e tata ta actua cantidad di tempo cu ta dedica na e mucha. E di 4 ta con e mama ta actua of kico eta bisa dilanti e mucha.”
Di un otro banda tambe porta e mama ta papia bunita pero no ta haci e trabou extra di contene y sostene e muchanan of mucha di un manera mas profundo durante un periodo pa e mayor cu ta keda. Con e e resto di famia ta maneha e situacion, suegra y cualkier familiar.
Pa un ex pareha por mantene un bon imagen di e muchanan sea cu nan welonan, suegro y familiar. E influencia di famia extendi por afecta un mucha y mas ora nan ta biba na e mesun cas. Personanan cu ta cercano di mucha mester cauteloso kico nan ta bisa of ki comentario nan ta duna.
Sr. Leal ta splica cu tambe e por ta cu mayornan ta presente den bida di nan yiu pero e mucha na scol ta diferente. E ta remarca cu e mucha ta gara influencia cu ‘mala mucha cu juffrouw of cu otro muchanan’. Na e area di cas e ta funciona stabiel pero nan por wak e simptoma na scol y den nan fisico.
Ta importante pa nan ricibi e orientacion pa separacion. Tin mucha cu ta bira miho na scol pa motibo cu e dolor ta fuerte cu e focus ta riba materia di scol. Pero tin esnan si ta faya completamente.
Den e punto academico ta bon pero psicologico ta otro. Pero eta scondiendo su dolor pa motibo di un mascara. E dolor ta esun cu ta pone nan rebeldia. Parti di desaroyo di e mucha.
Leave a Reply