Alcaldesa di Bogota, Claudia Lopez, a informa cu lo cambia e destinacion di dos biyon di peso di prespuesto di e ciudad pa programa di educacion y trabou di emergencia pa hoben y hende muhe na Bogota. Pa rentanan basico pa famia na pobresa extremo, atencion humanitario y inversion na sector cu ta genera trabou.
Lopez tambe a añadi cu lo sigui protocol di biosiguridad, lo reactiva tur sector economico di e ciudad. E alcaldia lo presenta protocol di biosiguridad, ventilacion y ciudadonan pa tur negoshi lo yega na un apertura inmediatio.
E alcaldesa a bisa cu durante aislamento pa covid-19, a reflexiona di e problema cu ta bibiendo den e pais y a ofrece disculpa pa hende hoben y ciudadano y a enfatisa cu e alcaldia a reacciona na e protesta cu ta considera un problema social y economico.
“Tin un problema social pa falta di empleo y oportunidad. Tin un generacion cu rebeldia contra abuso di poder y abuso di forsa. Tin un reclamo profundo pa cambia historia”. Lopez a bisa.
Ante e problematica di denuncia di violacion di derecho humano, Lopez a bisa cu lo entrega denuncia y evidencia di violacion na e oficina di Alto Comisionado di Nacionnan Uni pa derechonan humano. E alcaldesa lo pidi asistencia di ONU pa esclarece hecho y garantisa reparacion y no repiticion.
Leave a Reply