Historia di polisnan mexicano cu ta forma parti di masacre

Ora cu polis estatal di nort di Mexico a presuntamente mata 19 persona incluyendo 14 migrante di Guatemala cerca di e frontera di Texas, tabata un tragedia caminda e criticonan a bisa cu autoridad por adverti cu por yega. Na 2019, fiscal acusa e mesun unidad di polis di estado di Tamaulipas, cu tabata opera pa otro nomber, nan a saca 8 persona di nan cas y tira nan cu tur a fayece.

Awo, un decena di oficial di e Grpo di Operacion Special di 150 miembro, conoci manera GOPES, a keda reteni pa ta husga pa cargonan cu a caba cu bida di 14 migrante di Guatemala y dos mexicano na caminda pa nan crusa frontera di Camargo. Despues e sende curpa na candela y kima nan, cu ainda falta tres curpa pa keda identifica.

Autoridad adverti ampliamente di problema den unidad. Un legislador federal a presenta un resolucion no vinculante na e congreso di Mexico na cuminsamento di january pa protesta contra e golpinan di hortamento pa parti di unidad.

Recientemente, un asociacion empresarial di Tamaulipas a acusa oficial di unidad GOPES di a drenta den un cas di un miembro y horta placa den efectivo, otro pertenencia y electrodomestico. E grupo a bisa cu e victima a saca potret cu su camara unda ta mustra a agentenan pero e keho a keda ignora y nunca a controla e unidad.

“Si nan lo a haci algo e tempo ey, duna atencion, awendia nos no lo ta den luto pa e morto di 19 persona”, Marco Antonio Mariño, vicepresidente di ‘Federación de Cámaras Empresariales’ di Tamaulipas. Tamaulipas tin e cartel rival di droga territorial mas largo, sangriento y miho ekipa na historia di Mexico durante mas de un decada.

Cartelnan a cumpra hopi forza di polis municipal na Tamaulipas cu estado a dicidi disolve tur y depende mas di polis estatal miho capacita.

E embahada di Merca na Ciudad di Mexico a bisa cu 3 di e 12 oficiales acusa d​​en e masacre di migrantes ‘a ricibi abilidad basico y / o capacitacion di supervisa e prome linea’ via un programa di e Departamento di Estado prome di keda asigna na e unidad special. “E capacitacion di e personas a tuma luga na 2016 y 2017 y a cumpli plenamente cu investigacion di antecedentes di Leahy (derechos humanos)”, asina embahada a bisa.