Protesta sangriento di Colombia por ta un advertencia pa e region

Tension na Colombia despues di cu president Ivan Duque a retira e propesta di reforma tributaria. Den seis dia di protesta, 24 persona a fayece y centenares a resulta herida. E manifestacion a bira un demonstracion popular di rabia.

Miles di persona ta saliendo pa protesta contra e brutalidad di polis y costo economico di pandemia pa desigualdad di Colombia. Hopi observador internacional ta mirando e ciclo di protesta pa asina busca señal di efecto regional mas profundo.

Duque tabata e prome president di region pa lansa un reforma tributario pa yuda economia di nan pais, devasta pa pandemia. Pero oposicion di sindicato, trahado y movimiento social di Colombia ta pone advertencia pa cualkier otro president cu kier sigui un ruta similar.

Union Europeo manera Merca tin plan di inversion pa reconstrui nan economia, pero pais manera Colombia cu ta depende di exportacion ta wak nan mes den un debe externo na aumento, y no tin capacidad pa emprende un plan di expansion similar.

Prome cu a retira su plan di reforma tributario, Duque a enfatisa cu ta vital importancia pa e estado aumenta nan ingreso fiscal. “Reforma no ta un capricho, ta un necesidad pa programa social sigui funciona.”

Pero criticonan ta argumenta cu aumento di impuesto, manera un aumento di IVA lo afecta e clase medio y lo aumenta e desigualdad mas ainda. Nan preocupacion pa un economia di frustracion a aumenta na medida cu caso y morto lo hiba autoridad pa impone confinamiento nobo.

Mas di 3.6 miyon di ciudadano a bolbe cay den pobresa durante pandemia. Un number halto di famia no por come tres bes pa dia. Aumento di impuesto retira lo trece buraco den finanza estatal y gobierno di Duque mester busca alternativa pa purba aproba reforma y repara e desigualdad.

Protesta na Colombia tambe a provoca miedo y indignacion pa e trato di forsa di orden y preocupacion di derecho humano y observador stranhero. UN di derecho humano ta bisa cu e number di morto por ta mas halto y a pidi president pa bisa polis stop usa e forsa den forma excesivo.

Gobierno colombiano a defende e accion di polis y ta culpa e grupo di violencia y crimen organisa. Alcaldesa di Bogota, Claudia Lopez, a yora bisando hende pa bandona violencia. “Mi ta roga Bogota y Colombia pa stop. A pasa 8 dia, pa milager nos no tin morto na Bogota ainda”, Lopez a bisa.