Awe mainta durante un conferencia, Parlamentario sr. Arthur Dowers di Fraccion di AVP, ta comparti su punto di bista di locual a pasa den reunion den parlamento. Caminda e ta splica cu prome minister ta gaña ambtenaar comentando riba e reaccion di sindicalista cu a manda un ‘voicenote’ caminda cu e mandatario a bisa cu e persona tabata bou di influencia di substancia.
Di parti di sr. Dowers e ta bisa cu e persona tabata expresa su situacion ‘no kiermen e ta droga’ e ta bisa cu prome minister ta haciendo politica. “E ambtenaar tabata bisando e berdad cu informacion cu e mes a duna tocante e sindicato di polis.”
For di 2015, a bisa cu nan lo haya control di Caft pa e parti financiero, nan a bisa ambtenaar lo corta un 8% di nan salario, cu nan lo kita e vakantieuitkering, atv dagen y e bashi premie ‘kita nan derecho’. E ta bisa cu tempo aya Hulanda no a palabra cu Aruba pa balance di hisa entrada y baha gasto interno.
“Gobierno di Hulanda a bisa baha gasto di salario, pero nan a nombra famianan, primonan cu ta gana mas di 10.000 pa luna, tin cu ta duna 25% si ta cerca di dje, varios persona cu no ta traha ta haya placa. Nan ta abusando di poder y gañando pueblo”, e ta bisa.
Sr. Dowers ta bisa cu gobierno ta goberna sin medida y cu nan lo keda bin cu mas medida. E ta bisa cu nan mester baha e miyones di gasto cu tin interno y mustra pueblo cu nan corta esaki y na unda. “Prome minister no tin aprecio ni respet pa pueblo”, el a bisa.
Leave a Reply