Cancer di pecho ta supera e cancer de pulmon. E ta bira e mas diagnostica na mundo

E cancer di pecho den hende muhe a supera e cancer di pulmon manera e cancer mas comun diagnostica na mundo. E articulo publica na ‘A Cancer Journal for Clinicians’ ta estima cu tabatin di 2.3 miyon di caso nobo di cancer di hende muhe, esey ta representa e 11.7% na tur caso di cancer.

E cancer di pulmon tabata esun mas diagnostica, segun informe canterior a cubri den ultimo decada. Cientifico principal y epidemiologo di cancer di sociedad di Merca, Hyuna Sung (kende a skirbi e articulo) el a bisa cu e cambio di posicion di cancer di pecho ta den lista cu ta señala e transicion epidemioligico di cancer.

Investigadornan di ‘Sociedad Estadounidense del Cancer en Atlanta’ y tambe e Agencia Internacional pa investigacion di Cancer na Francia a skirbi e informe cu e cancer di pulmon ainda ta clasifica manera esun principal di caso di morto pa cancer, cu un 1.8 miyon di morto cu ta representa 18% di tur morto pa cancer.

E informe ta basa na datos di incidencia y mortalidad pa cancer di Agencia Internacional pa investigacion di cancer, general dato cu ta sugeri cu tin un 19.3 miyon di caso nobo y 10 miyon di morto pa cancer na henter mundo na 2020.

E cinco cancer mas diagnostica cu mayor frecuencia, segun informe, tabata cancer di pecho femenino, e cancer di pulmon, cancer colorrectal, cancer prostata y cancer di stoma. E cinco causa principal di morto pa cancer, ta mustra dato, cancer di pulmon, colorrectal, lever, stoma y pecho femenino.