Diabuebs mainta 18 di februari 2021, den e camber di docente na EPB San Nicolas, representante di fundacion, scol y e association di negoshinan SNBA a uni forza den colaboracion pa logra metanan civico profesional.
E intencion ta pa documenta expectativa nan di ambos organisacion ta mira e rol di e metanan menciona anteriormente. EPB y SNBA ta reconoce cu e relacion entre ambos organisacion ta essencial y lo ta un compromiso pa involucra e scol den projectonan cu ta recarga orientacion social y educacion den e desaroyo civico pa loke ta e area di San Nicolas y bicindario.
E MOU ta un acuerdo mutuo entre ambos institucion, cu lo reconoce e colaboracion pa por logra beneficia e bon desaroyo y uno positivo pa San Nicolas y bicindario.
Na banda di esey, e MUO aki lo yuda crea un plataforma di colaboracion entre EPB y SNBA.E MOU a wordo firma pa directora di SEPB San Nicolas, Sra. D. Lejuez y presidente di San Nicolas Business Association, Sr. A. Hernandez den compania di director di scol, R. Mathilda, docente y alumnonan y miembronan di SNBA. Pabien na tur esnan cu a contribui na e dia tan special aki. #epbsanicolas#teamepb
Leave a Reply